Ayokong Magmahal...ang Matrikulang Babayaran!
Paunang Sabi: Hindi po ako komunista ni isang
radikal. Kung susukatin ang pampolitikang pananaw ko, ako po ay sentristang
kumikiling sa kaliwa (center-left).
 |
| Nag-trending sa Twitter ang opisyal na hashtag ng protesta. #AyokoMagmahal |
Ayun. Nag-trending sa Twitter ang hashtag na
#AyokoMagmahal nang nakaraang Huwebes (19 Pebrero)... Medyo hugot ba ang dating? Pwede. Pero ang tinutukoy nang
katagang ‘yan ay yung pagmahal ng matrikula’t bayarin sa Unibersidad ng Santo
Tomas. Taon-taon o annual na lang ang pag-taas ng tuition fees and
miscellaneous charges. Nang nakaraang taon, 2.5 porsyento o P31.23 per unit
ng pagtaas ng matrikula ng second- to fifth-year students. 3.5 porsyento naman
ang pagtaas noong 2012 at 3 porsyente noong 2011. (Hindi pa yata kasama sa
bilang ang mga nakawiwindang na miscellaneous fees, “other fees” at “other
charges”)
Worst-case scenario thinking mode tayo... ano
kaya mangyayari kapag hindi na kinaya ng mga middle at lower class ang mataas
na matrikula:
- Mas maraming mapipilitan mag-drop-out o lumipat sa eskwelahang mas mababa ang kalibre at reputasyon (tandaan na maraming kompanya ay masyadong maarte, may diskriminasyon, mababa ang tingin kapag hindi ka nanggaling sa UP, AdMU, LaSalle, o UST)
- Dahil mas kaunti ang makakapag-aral (assuming na tumataas din ang matrikula sa mga private schools and colleges), mas dadami ang mga di-sapat ang trabaho o underemployed.
- Lalong mahihirapan umahon sa kahirapan ang nakararaming Pilipino. Sisishin nanaman ang gobyerno (oo may kasalanan din naman kasi ang gobyerno)
- Endless cycle?
 |
| A Sample Breakdown of "Miscellaneous Fees" and "Other Fees" (From the UST College of Science Student Council) |
Bakit ba Kontra Ako sa Miscellaneous Fees
Increase?
- Katolikong Unibersidad ang UST – Katatapos lang ng pagdalaw ni Papa Francisco (Pope Francis) at talagang energized pa ang madla sa Pope-fever. Tumatak ang temang “Mercy and Compassion” sa karamihan. Kaya siguro ang ibang netizens ay lakas-loob na dumeretsong nag-tweet sa Santo Papa tungkol dito.
- Mataas pa ang Hawak ng Kapital o Cash-on-Hand ng Administrasyon – Ayon sa isang pahayag ni mayroon pang P565,000,000 (more or less) ang administrasyon kahit di magtaas ang mga bayarin. Para saan pa ang pagtaas ng bayarin? Baka maubos ang tagong kità?
- Tila Paulit-ulit ang Ilang mga mga "Miscellaneous Fees" – “Special Development Fee” (1750 pesos kada semestre), “Learning Materials Fee” at “Information Development Fee” (1500 pesos kada semestre) ang ilan lamang sa mga tila ibang klaseng mga “buwis” na nakaatang sa balikat (at bulsa) ng mga estdyante (at magulang). Hindi ko na isinama yung “Physical Infrastructure Development” kasi alam ko (may tiwala naman ako kahit papaano) na sa mga pagtayo at panustos sa mga gusali ng kampus. Ang “Information Development Fee” ang maraming tumututol kasi hanggang ngayon medyo mababa (subpar) ang kalidad ng eLeap, myUste, at Wifi ng unibersidad.
Sa totoo lang, hindi naman ako kontra masyado
sa mismong pagtaas ng matrikula o tuition fee, dahil alam (aware) ko rin
naman na patuloy ang inflation (o pagpintog). Ayon sa batas, dapat
mapunta sa pampasweldo at benepisyo ng mga teaching and non-teaching
personnel ang 70 percent of the pagtaas ng tuition fee; ang natitirang 20%
ay dapat mapunta sa gastusin para sa modernisasyon ng mga gusali’t pasilidad ng
eskwelahan at ang natitirang 10% ay ituturing return of investment sa
mga institusyong stock corporation o gagamitin para sa operasyon ng eskwelahan.
Sa kahulihan, Gamitin natin ang ating karapatang sa malayang
pananalita nguni’t daanin natin ito sa mahinahong pakikipagdiyalogo na may
kahalong respeto. Iyon lamang po. Hindi po ako laban (ni lalaban) sa
administrasyon ng unibersidad per se. Pairalin nawa ang awa at habag. #MercyandCompassion
